འཕྲིན་གསར་གནད་བསྡུས།
ཐེངས་གཉིས་པ།
རྩེ་ཁོག་རྫོང་མི་རིགས་སློབ་འབྲིང་གཉིས་པའི་སློབ་སྟོན་ཁང་གིས། ༢༠༡༦ལོའི་ཟླ༣པའི་ཚེས༢༠ཉིན།
སློབ་མའི་རྒྱུད་ལ་ཡོན་ཏན་སྣ་གཅིག་སྐྱེ་བ་དང་སྐྱོན་སྣ་གཅིག་འགྲིབ་པ་ཡན་ཆད་ཀྱི་བདེ་ལེགས་ཐམས་ཅད་ཀྱི་རྩ་བ་དགེ་བའི་བཤེས་གཉེན་ལ་རག་ལས་ཡོད།
ཏང་གི་སློབ་གསོའི་སྲིད་ཇུས་བཟང་བོའི་དམིགས་དབེན་དང་ཕྱོགས་སྟོན་ལྟར། ངེད་སློབ་གྲྭའི་རྐང་འཛིན་དགེ་རྒན་མང་པོ་ཞིག་རང་ཞིང་ཆེན་གཙོ་བྱས་ཀན་སུའུ་ཞིང་ཆེན། སི་ཁྲོན་ཞིང་ཆེན་སོགས་རྒྱལ་ནང་གི་སྔོན་ཐོན་སློབ་གྲྭ་གང་མང་ཞིག་དང་། གཞན་ཡང་ཁུལ་ནང་ཁུལ་གྱི་སྔོན་ཐོན་སློབ་གསོའི་ས་ཁུལ་ཏེ་མཚོ་ལྷོ་ཁུལ་དུ་སློབ་སྦྱོང་དང་ལྟ་ཞིབ་ཏུ་མངགས་ནས་དེང་རབས་ཀྱི་སློབ་གསོའི་ཐབས་ལམ་གསར་བ་སློབ་སྦྱོང་དང་ལག་ལེན་བསྟར་བར་རྨང་གཞི་དང་ལམ་སྟོན། མཐུན་རྐྱེན་མཛད། དེ་ལས་དགེ་རྒན་མི་ཉུང་བ་ཞིག་ལ་བློ་བསྐྱེད་གསར་བ་དང་ཤེས་བྱ་གསར་བ། ཐབས་ལམ་གསར་བ་མི་ཉུང་བ་ཞིག་ཐོབ་ཡོད།
དེ་དང་བསྟུན་ནས་ངེད་སློབ་གྲྭས་ཀྱང་དེང་རབས་ཀྱི་སློབ་ཁྲིད་བྱ་ཐབས་གསར་བ་སློབ་རའི་ནང་དུ་འདྲེན་པར་སྟོབས་ཤུགས་གང་ཡོད་བཏོན་ཞིང་། སློབ་སྐབས་འདིའི་ནང་དུའང་ངེད་སློབ་སྟོན་ཁང་གིས་སློབ་གྲྭའི་མགོ་ཁྲིད་ཀྱི་མཛུབ་སྟོན་འོག་འབྲས་ལེགས་སློབ་ཁྲིད་ལག་བསྟར་དང་དེའི་ཕྱོགས་ལ་གོམ་གང་མདུན་སྤོས་བྱེད་པར་བགྲོ་གླེང་དང་ཚོགས་འདུ་འཚོགས་ཤིང་། ཡིག་ཆ་དང་འཆར་གཞི་བཟོས། གཙོ་བོ་དུས་རིམ་བཞི་རུ་བགར་ནས་དགེ་རྒན་ཡོད་ཚད་བྱ་འགུལ་འདི་ལ་ཞུགས་པ་དང་འདིའི་ཁྲོད་ནས་དགེ་རྒན་ཚང་མར་འདུ་ཤེས་དང་བློ་བསྐྱེད། ཐབས་ལམ་གསར་བ་ཞིག་འཐོབ་པར་བྱས་ཏེ་སློབ་རར་འབྲས་ལེགས་སློབ་ཁྲིད་ཀྱི་གཡུ་ལོ་ཐགས་སུ་བཀྲ་ཞིང་མེ་ཏོག་རྣམ་པར་བཞད་རྒྱུར་བྱ་བ་འཐུས་ཚང་དུ་བསྒྲུབས།
འབྲས་ལེགས་སློབ་ཁྲིད་བརྒྱུད་ནས་བློ་གསལ་དོན་གཉེར་ཅན་རྣམས་དེང་རབས་ཀྱི་སྤྱི་ཚོགས་ཁྲོད་ནས་བསམ་བློ་ཡོད་པ་དང་ནུས་པ་ཡོད་པ། རང་རྟོགས་ཡོད་པ། སྙིང་སྟོབས་ཡོད་པ། བརྩོན་འགྲུས་ཡོད་པ། ཕུགས་བསམ་ཡོད་པའི་སྤྱོད་ཡོན་གཉིས་ལྡན་གྱི་མི་ཞིག་འཁྱོངས་རྒྱུ་དེ་ནི་མཐར་ཐུག་གི་དམིགས་ཡུལ་ལགས།
ཞུ་འབུལ། རྫོང་རིག་སློབ་ཅུའུ། རྫོང་སློབ་དཔྱོད་ཁང་། སློབ་གྲྭའི་ཏང་ཀྲི་པུའུ་དང་སློབ་གཙོའི་ལས་ཤག་སོ་སོ།
སྒྲོག་བསྐྱལ། སློབ་གྲྭའི་ཚན་ཁག་སོ་སོ། སློབ་དཔྱོད་ཁང་སོ་སོ།
གཉིས་ཚགས། བཅོ་བརྒྱད་དཔར།