41.མི་རིགས་མཐུན་སྒྲིལ་ཞེས་པའི་གོ་དོན་ནི།
ལན། མི་རིགས་མཐུན་སྒྲིལ་ཞེས་པ་ནི་མི་རིགས་སོ་སོའི་བར་དང་མི་རིགས་ནང་ཁུལ་གྱི་མཐུན་སྒྲིལ་ལ་ཟེར་ཞིང་། དེ་ནི་རིགས་སོ་སོའི་མི་དམངས་ཀྱིས་ཐུན་མོང་གི་ཁེ་ཕན་ལ་གཞིགས་ནས་ཕན་ཚུན་འདྲ་མཉམ་དང་། མཛའ་མཐུན་མཉམ་གནས། རོགས་རེས་བརྩི་འཇོག ཕན་ཚུན་སློབ་སྦྱོང་། ཕན་ཚུན་རོགས་རམ་བཅས་བྱས་ཏེ་སྤྱི་ཚོགས་རིང་ལུགས་ཀྱི་དེང་རབས་ཅན་གྱི་རྒྱལ་ཁབ་འཛུགས་སྐྲུན་བྱ་ཆེད་ལྷན་ཅིག་ཏུ་འབད་བརྩོན་བྱེད་པ་དེ་ཡིན།
42.མི་རིགས་མཐུན་སྒྲིལ་གྱི་ངེས་གནས་ནི།
ལན། རང་རྒྱལ་ནི་གཅིག་གྱུར་གྱི་མི་རིགས་མང་བའི་རྒྱལ་ཁབ་ཅིག་ཡིན་པ་དང་། མི་རིགས་མཐུན་སྒྲིལ་ནི་རིགས་སོ་སོའི་མི་དམངས་ཀྱི་སྲོག་རྩ་ལྟ་བུར་གྱུར་ཡོད་པ་དེ་ཡིན།
43.མི་རིགས་མཐུན་སྒྲིལ་ཡར་ཐོན་གཏོད་པའི་བྱ་བའི་སྤྱིའི་དམིགས་ཚད་ནི།
ལན། ཀྲུང་ཧྭ་མི་རིགས་ཁྱིམ་ཚང་གཅིག་ལྟར་མཐུན་པ་དང་རྡོག་རྩ་གཅིག་སྒྲིལ་གྱིས་ཀྲུང་གོའི་ཕུགས་འདུན་བརྩོན་རྒྱུ་དེ་ཡིན། 44.མི་རིགས་མཐུན་སྒྲིལ་ཡར་ཐོན་གཏོད་པའི་བྱ་བའི་སྤྱིའི་བླང་བྱ་ནི།
ལན། མི་ཆོས་ཅན་དང་། དངོས་གཟུགས་ཅན། མང་ཚོགས་ཅན་བཅས་གཟེངས་སུ་ཐོན་པར་བྱ་རྒྱུ་དེ་ཡིན།
45.མི་རིགས་མཐུན་སྒྲིལ་ཡར་ཐོན་གཏོད་པའི་བྱ་བའི་སྤྱིའི་ལས་འགན་ནི།
ལན། འབྱོར་འབྲིང་སྤྱི་ཚོགས་འཛུགས་སྐྲུན་གྱི་གོམ་སྟབས་གཅིག་མཚུངས་དང་། སྤྱི་པའི་ཞབས་ཞུ་ངོ་བོ་གཅིག་མཚུངས། ཁྲིམས་ལུགས་འགན་སྲུང་གི་དབང་ཆ་གཅིག་མཚུངས། མི་རིགས་མཐུན་སྒྲིལ་གྱི་སེམས་པ་གཅིག་མཐུན། སྤྱི་ཚོགས་འཆམ་མཐུན་མཉམ་གཏོད་བྱེད་པ་བཅས་ཡིན།
46.མི་རིགས་མཐུན་སྒྲིལ་ཡར་ཐོན་གཏོད་པའི་གཙོ་གཞི་ནི།
ལན། རིགས་སོ་སོའི་མང་ཚོགས་དང་། རྩ་བའི་ཁ་ཕྱོགས་ནི། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་དུ་གཏོང་བ། རྩ་བའི་ཐབས་ལམ་ནི། མི་རིགས་སོ་སོའི་བར་གྱི་འགྲོ་འོང་དང་། སྤེལ་རེས། མཉམ་འདྲེས་བཅས་ལ་ཤུགས་སྣོན་རྒྱུ་བཅས་ཡིན།
47.སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མི་རིགས་མཐུན་སྒྲིལ་སྐོར་གྱི་རྣམ་བཤད་གལ་ཆེན།
ལན། ཀྲུང་གོ་གུང་ཁྲན་ཏང་གི་འགོ་ཁྲིད་རྒྱུན་འཁྱོངས་བྱ་རྒྱུ་ནི་མི་རིགས་མཐུན་སྒྲིལ་སྲུང་སྐྱོང་བྱེད་པའི་རྩ་བའི་ཁག་ཐེག་ཡིན་པ་དང་། མི་རིགས་ས་ཁོངས་རང་སྐྱོང་ལམ་ལུགས་རྒྱུན་འཁྱོངས་དང་འཐུས་ཚང་དུ་གཏོང་རྒྱུ་ནི་མི་རིགས་མཐུན་སྒྲིལ་སྲུང་སྐྱོང་བྱེད་པའི་ལམ་ལུགས་ཀྱི་འགན་སྲུང་ཡིན། མི་རིགས་ལས་དོན་བཅོས་སྐྱོང་ཁྲིམས་སྐྱོང་ཅན་དུ་འགྱུར་རྒྱུ་རྒྱུན་འཁྱོངས་བྱ་རྒྱུ་ནི་མི་རིགས་མཐུན་སྒྲིལ་སྲུང་སྐྱོང་བྱེད་པའི་གཞི་རྩའི་ཐབས་ལམ་ཡིན། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་དུ་གཏོང་བ་རྒྱུན་འཁྱོངས་བྱ་རྒྱུ་ནི་མི་རིགས་མཐུན་སྒྲིལ་སྲུང་སྐྱོང་བྱེད་པའི་བསམ་བློའི་རྨང་གཞི་ཡིན།
48.ཏང་གི་ཚོགས་ཆེན་བཅོ་བརྒྱད་པའི་ཐོག་བཏོན་པའི་རང་རྒྱལ་གྱི་མི་རིགས་ལས་དོན་གྱི་གཞི་རྩའི་བྱེད་ཕྱོགས་ནི།
ལན། མི་རིགས་མཐུན་སྒྲིལ་ལ་ཤུགས་སྣོན་བརྒྱབ་ནས་མཉམ་གཅིག་ཏུ་དར་རྒྱས་ཀྱི་ལམ་བུར་བསྐྱོད་རྒྱུ་དེ་ཡིན།
49.ཚོགས་ཆེན་བཅུ་དགུ་པའི་ཐོག་གསལ་པོར་བཏོན་པའི་མི་རིགས་མཐུན་སྒྲིལ་ཡར་ཐོན་བྱ་གཞག་གི་ཁ་ཕྱོགས་ནི།
ལན། ཏང་གི་མི་རིགས་སྲིད་ཇུས་ཕྱོགས་ཡོངས་ནས་ལག་བསྟར་དང་། མི་རིགས་མཐུན་སྒྲིལ་ཡར་ཐོན་གྱི་སློབ་གསོ་ཟབ་སྤེལ། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་དུ་གཏོང་བ། མི་རིགས་སོ་སོའི་བར་གྱི་འགྲོ་འོང་དང་། སྤེལ་རེས། མཉམ་འདྲེས་བཅས་ལ་ཤུགས་སྣོན་པ། མི་རིགས་སོ་སོ་སེ་འབྲུའི་འབྲུ་གུ་ལྟར་ཕན་ཚུན་དམ་པོར་སྦྲེལ་ནས་ལྷན་ཅིག་མཐུན་སྒྲིལ་འབད་བརྩོན་དང་ལྷན་ཅིག་དར་རྒྱས་གོང་འཕེལ་ཡོང་བར་བྱ་རྒྱུ་དེ་ཡིན།
50.མི་རིགས་མཐུན་སྒྲིལ་གྱི་སློབ་གསོའི་བྱ་འགུལ་སྤེལ་སྐབས་རྒྱུན་འཁྱོངས་བྱེད་དགོས་པའི་རྩ་དོན་ནི།
ལན། མི་དང་བསྟུན་ནས་སློབ་ཁྲིད་བྱེད་པ་དང་། དྲང་ཕྱོགས་ཀྱི་སློབ་གསོ། ཕན་འབྲས་ལ་མཐོང་ཆེན། དུས་བསྟུན་མདུན་སྐྱོད་བཅས་རྒྱུན་འཁྱོངས་བྱ་རྒྱུ་དེ་ཡིན།