21.མི་རིགས་འདྲ་མཉམ་གྱི་གོ་དོན་ནི།
ལན། མི་རིགས་སོ་སོ་མི་འབོར་མང་ཉུང་དང་། དཔལ་འབྱོར་འཕེལ་རྒྱས་ཀྱི་མཐོ་དམའ། ཡུལ་སྲོལ་གོམས་གཤིས་དང་ཆོས་ལུགས་དད་མོས་མི་འདྲ་བ་བཅས་ལ་མ་བལྟོས་པར་ཚང་མ་འདྲ་མཉམ་ཡིན་ཞིང་། གོ་གནས་འདྲ་མཉམ་ཡིན་པ་དང་། རྒྱལ་ཁབ་ཀྱི་སྤྱི་ཚོགས་འཚོ་བའི་ཕྱོགས་གང་ཅིའི་ཐད་ཁྲིམས་ལྟར་གཅིག་མཚུངས་ཀྱི་ཁེ་དབང་ཡོད་པ། གཅིག་མཚུངས་ཀྱི་འོས་འགན་སྒྲུབ་དགོས་པ། མི་རིགས་གཉའ་གནོན་དང་མི་རིགས་ལ་མཐོང་ཆུང་བྱེད་སྟངས་ཐམས་ཅད་ལ་ངོ་རྒོལ་བྱ་རྒྱུ་བཅས་ཡིན།
22.དེང་རབས་མི་རིགས་གནད་དོན་གྱི“ཁྱད་ཆོས་ཆེན་པོ་ལྔ”ནི།
ལན། ཡོངས་ཁྱབ་རང་བཞིན་དང་། ཡུན་རིང་རང་བཞིན། རྙོག་འཛིང་རང་བཞིན། རྒྱལ་སྤྱིའི་རང་བཞིན། གལ་ཆེན་རང་བཞིན་བཅས་ཡིན།
23.རང་རྒྱལ་གྱི་མི་རིགས་གནད་དོན་ཐག་གཅོད་བྱེད་པའི་རྩ་བའི་བགྲོད་ལམ་ནི།
ལན། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བགྲོད་ལམ་ཡིན།
24.མི་རིགས་ཀྱི་གནད་དོན་ཐག་གཅོད་སྐབས་རྒྱུན་འཁྱོངས་བྱེད་དགོས་པའི་ཆབ་སྲིད་ཀྱི་ཁ་ཕྱོགས་ནི།
ལན། ཐོག་མཐའ་བར་གསུམ་དུ་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དར་ཆ་རླབས་པོ་ཆེ་མཐོན་པོར་བསྒྲེང་རྒྱུ་དེ་ཡིན།
25.མི་རིགས་གནད་དོན་ཐག་གཅོད་བྱེད་པའི་གཞི་རྩའི་ལམ་ལུགས་ནི།
ལན། མི་རིགས་ས་ཁོངས་རང་སྐྱོང་ལམ་ལུགས་ཡིན།
26.རང་རྒྱལ་གྱི་མི་རིགས་གནད་དོན་ཐག་གཅོད་བྱེད་པའི་རྩ་དོན་གལ་ཆེན་ནི།
ལན། མི་རིགས་འདྲ་མཉམ་དང་མི་རིགས་མཐུན་སྒྲིལ་ཡིན།
27.ད་ལྟའི་དུས་རིམ་ནང་རང་རྒྱལ་གྱི་མི་རིགས་གནད་དོན་ཐག་གཅོད་བྱེད་པའི་རྩ་བའི་ཐབས་ལམ་ནི།
ལན། གྲངས་ཉུང་མི་རིགས་དང་མི་རིགས་ས་ཁུལ་གྱི་དཔལ་འབྱོར་དང་སྤྱི་ཚོགས་ཀྱི་འཕེལ་རྒྱས་ཇེ་མགྱོགས་སུ་གཏོང་རྒྱུ་དེ་ཡིན།
28.མི་རིགས་ཀྱི་གནད་དོན་ཐག་གཅོད་དང་མི་རིགས་ས་ཁོངས་རང་སྐྱོང་ལག་བསྟར་བྱེད་པའི་གནད་འགག་ནི།
ལན། གྲངས་ཉུང་མི་རིགས་ཀྱི་ལས་བྱེད་པ་ཤུགས་ཆེན་པོས་གསོ་སྐྱོང་བྱ་རྒྱུ་དེ་ཡིན།
29.ཀྲུང་གོའི་ཁྱད་ཆོས་ལྡན་པའི་མི་རིགས་གནད་དོན་ཐག་གཅོད་བྱེད་པའི“རྒྱུན་འཁྱོངས་བརྒྱད”ནི།
ལན། ཀྲུང་གོ་གུང་ཁྲན་ཏང་གི་འགོ་ཁྲིད་རྒྱུན་འཁྱོངས་དང་། ཀྲུང་གོའི་ཁྱད་ཆོས་སྤྱི་ཚོགས་རིང་ལུགས་ཀྱི་འགྲོ་ལམ་རྒྱུན་འཁྱོངས། མེས་རྒྱལ་གཅིག་གྱུར་སྲུང་སྐྱོང་རྒྱུན་འཁྱོངས། རིགས་སོ་སོའི་མི་རིགས་ཚང་མ་འདྲ་མཉམ་ཡིན་པ་རྒྱུན་འཁྱོངས། མི་རིགས་ས་ཁོངས་རང་སྐྱོང་ལམ་ལུགས་རྒྱུན་འཁྱོངས་དང་འཐུས་ཚང་དུ་གཏོང་བ། མི་རིགས་སོ་སོ་ལྷན་ཅིག་མཐུན་སྒྲིལ་འབད་འཐབ་དང་ལྷན་ཅིག་དར་རྒྱས་གོང་འཕེལ་གཏོང་བ་རྒྱུན་འཁྱོངས། ཀྲུང་ཧྭ་མི་རིགས་གཅིག་མཐུན་ཚོགས་པའི་བསམ་བློའི་རྨང་གཞི་བརྟན་པོར་གཏོང་བ་རྒྱུན་འཁྱོངས་དང་། ཁྲིམས་ལྟར་རྒྱལ་ཁབ་སྐྱོང་བ་རྒྱུན་འཁྱོངས་བཅས་ཡིན།
30.ཏང་གི་མི་རིགས་སྲིད་ཇུས་ཀྱི་ནང་དོན་ནི།
ལན། མི་རིགས་འདྲ་མཉམ་དང་མི་རིགས་མཐུན་སྒྲིལ་གྱི་སྲིད་ཇུས། མི་རིགས་ས་ཁོངས་རང་སྐྱོང་གི་སྲིད་ཇུས། གྲངས་ཉུང་མི་རིགས་ཀྱི་དཔལ་འབྱོར་འཛུགས་སྐྲུན་གྱི་འཕེལ་རྒྱས་ཇེ་མགྱོགས་སུ་གཏོང་བའི་སྲིད་ཇུས། གྲངས་ཉུང་མི་རིགས་ཀྱི་ཡུལ་སྲོལ་གོམས་གཤིས་ལ་བརྩི་འཇོག་བྱེད་པའི་སྲིད་ཇུས་བཅས་ཡིན།