61.ཉེ་ཆར་ཐེངས་ཤིག་འཚོགས་པའི་ཀྲུང་དབྱང་གི་མི་རིགས་ལས་དོན་ཚོགས་འདུའི་དུས་ཚོད་ནི།
ལན། 2021ལོའི་ཟླ8ཚེས27ཉིན་ནས་ཚེས28ཉིན་བར་པེ་ཅིང་དུ་འཚོགས་པ་དེ་ཡིན།
62.ཀྲུང་གོའི་ཁྱད་ཆོས་ལྡན་པའི་མི་རིགས་མཐུན་སྒྲིལ་ཡར་ཐོན་སློབ་གསོའི་ཆེས་གལ་ཆེ་བའི་དམིགས་ཡུལ་ནི།
ལན། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་དུ་གཏོང་བ་དང་། ཆེས་གལ་ཆེ་བའི་ཐབས་ལམ་ནི། མི་རིགས་སོ་སོའི་བར་གྱི་འགྲོ་འོང་དང་། སྤེལ་རེས། མཉམ་འདྲེས་བཅས་ལ་ཤུགས་སྣོན་བྱ་རྒྱུ་དེ་ཡིན།
63.ཀྲུང་གོའི་ཕུགས་འདུན་གྱི་ནང་དོན་ནི།
ལན། རྒྱལ་ཁབ་སྟོབས་འབྱོར་ལྡན་པ་དང་། མི་རིགས་དར་རྒྱས་ཡོང་བ། མི་དམངས་བདེ་སྐྱིད་ཡོང་བ་བཅས་ཡིན།
64.ཏང་གི་ཚོགས་ཆེན་བཅུ་དགུ་པའི་ཐོག
ལན། “ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་དུ་གཏོང་རྒྱུ”དེ་ཏང་གི་སྒྲིག་ཡིག་ནང་བཀོད་ནས། ཏང་ཡོངས་དང་རྒྱལ་ཡོངས་རིགས་རིགས་སོ་སོའི་མི་དམངས་ཀྱིས་ཀྲུང་གོའི་ཕུགས་འདུན་མངོན་འགྱུར་བྱེད་པའི་རྒྱང་སྐྱོད་ལམ་བུ་གསར་པའི་ཐོག་གི་ཐུན་མོང་གི་འདོད་བློ་དང་རྩ་བའི་གཞི་འཛིན་སར་གྱུར་ཡོད།
65.ཞི་ཅིན་ཕིང་གིས་ཀྲུང་དབྱང་གི་བོད་ལྗོངས་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་བདུན་པའི་ཐོག་བཏོན་པའི“འགན་ལེན་བཞི”ནི།
ལན། རྒྱལ་ཁབ་ཀྱི་བདེ་འཇགས་དང་ཡུན་སྐྱོང་བདེ་འགོད་ལ་འགན་ལེན་དང་། མི་དམངས་ཀྱི་འཚོ་བའི་ཆུ་ཚད་རྒྱུན་ཆད་མེད་པར་ཇེ་ལེགས་སུ་འགྲོ་བར་འགན་ལེན། སྐྱེ་ཁམས་ཁོར་ཡུག་ཡག་པོ་ཡོང་བར་འགན་ལེན། མཐའ་སྲུང་སྲ་བརྟན་དང་མཐའ་མཚམས་བདེ་འཇགས་འགན་ལེན་བྱེད་པ་བཅས་ཡིན།
66.མི་རིགས་ས་ཁུལ་གྱི་ལས་བྱེད་པའི་དཔུང་སྡེས་རྒྱུན་འཁྱོངས་བྱེད་དགོས་པའི“ལྷག་པར་དུ་བཞི”ནི།
ལན། ཏང་གི་གཅིག་སྡུད་གཅིག་གྱུར་གྱི་འགོ་ཁྲིད་ལ་སྲུང་སྐྱོང་བྱེད་པའི་རྣམ་འགྱུར་ལྷག་པར་དུ་བརྟན་པ་དང་། ཡིན་མིན་ཆེན་པོའི་ལངས་ཕྱོགས་གསལ་འབྱེད་ཀྱི་རིག་པ་ལྷག་པར་དུ་གསལ་བ། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་གཏོང་བའི་སྤྱོད་པ་ལྷག་པར་དུ་བརྟན་པ། རིགས་སོ་སོའི་མང་ཚོགས་ལ་དགའ་ཞེན་བྱེད་པའི་བརྩེ་བ་ལྷག་པར་དུ་ཟབ་པ་བཅས་ཡིན།
67.སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས2019ལོའི་རྒྱལ་ཡོངས་ཀྱི་མི་རིགས་མཐུན་སྒྲིལ་ཡར་ཐོན་གྱི་གཟེངས་བསྟོད་ཚོགས་ཆེན་ཐོག་ཕྱོགས་བསྡོམས་གནང་བའི“ལྷན་ཅིག་བཞིའི”ཞིབ་ཕྲའི་ནང་དོན་ནི།
ལན། ང་ཚོའི་ཡངས་ཤིང་རྒྱ་ཆེ་བའི་མངའ་ཁོངས་ནི་མི་རིགས་སོ་སོས་ལྷན་ཅིག་ཏུ་གསར་གཏོད་བྱས་པ་ཞིག་དང་། ང་ཚོའི་ཡུན་རིང་བའི་ལོ་རྒྱུས་ནི་མི་རིགས་སོ་སོས་ལྷན་ཅིག་ཏུ་འབྲི་རྩོམ་གནང་བ་ཞིག ང་ཚོའི་འོད་སྟོང་འཕྲོ་བའི་རིག་གནས་ནི་མི་རིགས་སོ་སོས་ལྷན་ཅིག་ཏུ་གསར་གཏོད་གནང་བ་ཞིག ང་ཚོའི་རླབས་ཆེན་གྱི་སྙིང་སྟོབས་ནི་མི་རིགས་སོ་སོས་ལྷན་ཅིག་ཏུ་སྐྱེད་སྲིང་བྱས་པ་ཞིག་བཅས་ཡིན།